ໜ້າຫຼັກ / ການເຄື່ອນໄຫວ / ພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວແຂວງສາລະວັນ ຕິດພັນກັບຮັບທຸງໄຊນຳໜ້າ

ພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວແຂວງສາລະວັນ ຕິດພັນກັບຮັບທຸງໄຊນຳໜ້າ

09 Jul 2024 | ທິດລານີ ໂຄດໂຍທາ |

ທ່ານ ຄຳຕາ ໂຮ່ຊົງເລືອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນ ໄດ້ເຂົ້າຮ່ວມພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວແຂວງສາລະວັນ ປະຈຳປີ 2023 ຕິດພັນກັບຮັບທຸງໄຊນຳໜ້າ ຄັ້ງທີ II, ເຊິ່ງໄດ້ຈັດຂຶ້ນໃນວັນທີ 9 ກໍລະກົດ 2024 ທີ່ສະໂມສອນແຂວງ,  ໂດຍມີ ທ່ານ ສຸວຽງທອງ ສຸຂະວົງ ຮັກສາການເລຂາຄະນະບໍລິະຫານງານຊາວໜຸ່ມແຂວງ, ຫົວໜ້າພະແນກ-ຮອງຫົວໜ້າພະແນກ, ເລຂາໜ່ວຍ-ຮອງໜ່ວຍຮາກຖານຊາວໜຸ່ມ, ສະມາຊິກຊາວໜຸ່ມ-ເຍົາວະຊົນເຂົ້າຮ່ວມ.  

ທ່ານ ນາງ ອ່ອນສາ ຄຳໄພວັນ ຮອງເລຂາຄະນະບໍລິຫານງານຊາວໜຸ່ມແຂວງ  ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຄະນະຊາວໜຸ່ມປະຊາຊົນປະຕິວັດລາວແຂວງ ປະຈຳປີ 2023 ຜ່ານມາ ຄະນະບໍລິຫານງານຊາວໜຸ່ມປະຕິວັດລາວ ແຂວງສາລະວັນ ໄດ້ລະຂັ້ນໄດ້ຖືເອົາວຽກງານແນວຄິດເປັນວຽກງານແຖວໜ້າ ທີ່ຕ້ອງເຮັດເປັນປົກກະຕິ ແລະສອດຫ້ອຍເຂົ້າໃນທຸກຂົງເຂດວຽກງານໃຫ້ແກ່ການຈັດຕັ້ງແຕ່ລະຂັ້ນ, ສະມາຊິກຊາວໜຸ່ມ-ເຍົາວະຊົນແຕ່ລະສະຫາຍ, ຕັ້ງໜ້າສ້າງເງື່ອນໄຂເພື່ອຊຸກຍູ້ສົ່ງເສີມສະມາຊິກຊາວໜຸ່ມຂັ້ນຂອງຕົນ ໃຫ້ເປັນແບບຢ່າງໃນການເຄົາລົບແລະປະຕິບັດລະບຽບກົດໝາຍຢ່າງເຂັ້ມງວດ, ຕັ້ງໜ້າຊອກຮູ້ຝຶກຝົນຍົກລະດັບຄວາມຮູ້ຄວາມສາມາດ, ເອົາໃຈໃສ່ເຄື່ອນໄຫວປັບປຸງກໍ່ສ້າງການຈັດຕັ້ງຊາວໜຸ່ມເພື່ອເຮັດໃຫ້ລະບົບການຈັດຕັ້ງ ແລະຖັນແຖວສະມາຊິກຊາວໜຸ່ມເຕີບໃຫຍ່ຂະຫຍາຍດ້ານຈຳນວນ ແລະໄດ້ຮັບການປັບປຸງຄຸນນະພາບເທື່ອລະກ້າວ ໂດຍແນໃສ່ສາມາດເຄື່ອນໄຫວໄປຕາມພາລະບົດບາດ, ສິດໜ້າທີ່ຂອງຕົນຕາມກົດໝາຍ-ລະບຽບ ຄຊປປລ ວາງອອກ. ໂດຍສະເພາະທົ່ວແຂວງມີຊາວໜຸ່ມ-ໄວໜຸ່ມ15-35 ປີ ຈຳນວນ 98,860 ສະຫາຍ, ຍິງ 57,713 ສະຫາຍ ໃນນັ້ນ ເປັນສະມາຊິກຊາວໜຸ່ມ ປປລ ຈຳນວນ 28,612 ສະຫາຍ, ຍິງ 12,142 ສະຫາຍ, ສາມາດຂະຫຍາຍໃໝ່ໄດ້ 2,026 ສະຫາຍ. ນອກນັ້ນວຽກງານດ້ານວິຊາຊີບ ແລະສ້າງວຽກເຮັດງານທຳ ຄະນະຊາວໜຸ່ມ ໄດ້ປະສານສົມທົບກັບການຈັດຕັ້ງທີ່ກ່ຽວຂ້ອງ ແລະຄູ່ຮ່ວມພັດທະນາວິຊາຊີບໄດ້ລົງໂຄສະນາ ປຸກລະດົມຊາວໜຸ່ມທີ່ບໍ່ມີອາຊີບ, ຊາວໜຸ່ມທີ່ດ້ອຍໂອກາດ ໃຫ້ຫັນເຂົ້າຝຶກອົບຮົມໃນສາຂາອາຊີບຕ່າງໆຢູ່ພາຍໃນແຂວງ ແລະຕ່າງແຂວງທີ່ມີທຶນໃຫ້ ເພື່ອຫຼຸດຜ່ອນອັດຕາຫວ່າງງານຂອງຊາວໜຸ່ມ ສ້າງໃຫ້ມີລາຍຮັບຂຶ້ນເທື່ອລະກ້າວ.

ຈາກນັ້ນກອປະຊຸມກໍ່ຜ່ານຂໍ້ຕົກລົງຂອງຄະນະບໍລິຫານງານຊາວໜຸ່ມແຂວງວ່າດ້ວຍການຢັ້ງຢືນຮັບຮອງໜ່ວຍຮາກຖານຊາວໜຸ່ມ 4 ບຸກອ້ອມຂ້າງແຂວງ 22 ພະແນການ, ເມືອງ 4 ບຸກ 4 ເມືອງຄື: ເມືອງສາລະວັນ, ເລົ່າງາມ, ຄົງເຊໂດນ ແລະເມືອງສະໝ້ວຍ, ພ້ອມດ້ວຍຮັບທຸງໄຊນຳໜ້າ ປະຈຳປີ 2023 ແລະຂໍ້ຕົກລົງຂອງສູນກາງຊາວໜຸ່ມວ່າດ້ວຍການຮັບຮອງ ຄຊປປລ ແຂວງສາະວັນ ເປັນ ຄຊປປລ 4 ບຸກ ແລະຮັບທຸງໄຊນຳໜ້າຄັ້ງທີ II ປະຈຳປີ 2023ຕື່ມອີກ. ພ້ອມທັງໄດ້ມີພິທີເປີດປ້າຍປະກາດແຂວງສາລະວັນ ເປັນແຂວງ4 ບຸກ ແລະຮັບທຸງໄຊນຳໜ້າ ປີ 2023, ໂດຍເປັນກຽດຮ່ວມເປີດປ້າຍຂອງ ທ່ານ ຄຳຕາ ໂຮ່ຊົງເລືອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນ ແລະ ທ່ານ ສຸວຽງທອງ ສຸຂະວົງ  ຮັກສາການເລຂາຄະນະບໍລິະຫານງານຊາວໜຸ່ມແຂວງ ພ້ອມດ້ວຍທຸກພາກສ່ວນເຂົ້າຮ່ວມຢ່າງເປັນຂະບວນ.

Share:

ຂ່າວຫຼ້າສຸດ

ເສດຖະກິດ

ສາລະວັນ ຄັດເລືອກບໍລິສັດທີ່ປຶກສາ ແລະ ຮັບເໜົາກໍ່ສ້າງໂຄງການປ້ອງກັນຕະຝັ່ງເຈື່ອນແມ່ນໍ້າຂອງ 3 ບ້ານຂອງເມືອງລະຄອນເພັງ

  • 18 Jul 2024
  • ທິດລານີ ໂຄດໂຍທາ

 ...

ອ່ານເພີ່ມ

ການເມືອງ

ສະມາຄົມມິດຕະພາບລາວ-ຫຽດນາມ ສາລະວັນ ສະຫຼຸບການເຄື່ອນໄຫວປະຈໍາປີ 2023 ແລະ 6 ເດືອນຕົ້ນປີ 2024

  • 18 Jul 2024
  • ສ.ພະຈັນ

         ໃນວັນທີ 16 ກໍລະກົດ 2024 ນີ້...

ອ່ານເພີ່ມ

ການເມືອງ

ກອງປະຊຸມໃຫຍ່ຄັ້ງທີ VII ຂອງສະຫະພັນແມ່ຍິງຮາກຖານກະສິກຳ ແລະປ່າໄມ້ ໄດ້ເລືອກຄະນະຮາກຖານຊຸດໃໝ່

  • 18 Jul 2024
  • ທິດລານີ ໂຄດໂຍທາ

...

ອ່ານເພີ່ມ

ການເມືອງ

ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ເຄື່ອນໄຫວຊຸກຍູ້ການກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກ ຢູ່ທີ່ອົງຄະນະພັກຮາກຖານກອງບັນຊາການ ປກສ ແຂວງສາລະວັນ

  • 18 Jul 2024
  • ສ.ພະຈັນ

          ວັນທີ 17 ກໍລະກົດ 2024 ນີ້...

ອ່ານເພີ່ມ