ໜ້າຫຼັກ / ການເຄື່ອນໄຫວ / ສາລະວັນ ດໍາເນີນກອງປະຊຸມອົງການປົກຄອງແຂວງ ຄັ້ງທີ 13 ຊຸດທີ IX

ສາລະວັນ ດໍາເນີນກອງປະຊຸມອົງການປົກຄອງແຂວງ ຄັ້ງທີ 13 ຊຸດທີ IX

10 Jul 2024 | ສ.ພະຈັນ |

       ກອງປະຊຸມອົງການປົກຄອງແຂວງສາລະວັນ ເປີດກ້ວາງຄັ້ງທີ 13 ຊຸດທີ IX, ໄດ້ໄຂຂື້ນຢ່າງເປັນທາງການໃນວັນທີ  10 ກໍລະກົດ 2024 ນີ້, ຢູ່ທີ່ຫ້ອງປະຊຸມຊັ້ນສອງ ສະໂມສອນຂອງແຂວງ, ໂດຍພາຍໃຕ້ການເປັນປະທານຂອງ ທ່ານ ດາວວົງ ພອນແກ້ວ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆສາລະວັນ, ມີບັນດາທ່ານຮອງເລຂາພັກແຂວງ, ຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກ, ເຈົ້າເມືອງ, ພະນັກງານກໍ່ສ້າງຮາກຖານການເມືອງຂັ້ນແຂວງ, ລັດວິສາຫະກິດ ອົງການທຽບເທົ່າ, ອົງການຈັດຕັ້ງມະຫາຊົນ ແລະ ຂະແໜງການທີ່ກ່ຽວຂ້ອງອ້ອມຂ້າງແຂວງ ເຂົ້າຮ່ວມ.

        ທ່ານ ດາວວົງ ພອນແກ້ວ ເຈົ້າແຂວງໆສາລະວັນ ໄດ້ມີຄໍາເຫັນກ່າວເປີດກອງປະຊຸມວ່າ: ເປັນກອງປະຊຸມສໍາຄັນ, ທີ່ຈະໄດ້ພ້ອມກັນຄົ້ນຄ້ວາ, ກວດກາ, ສະຫຼຸບຕີລາຄາຄືນການຈັດຕັ້ງປະຕິບັດວຽກງານໃນຂົງເຂດອົງການບໍລິຫານລັດຂອງແຂວງ, ໂດຍສະເພາະການປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ວຽກງານສໍາຄັນອື່ນໆ, ປະຈຸບັນເສດຖະກິດຂອງແຂວງ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ, ການຈັດເກັບລາຍຮັບງົບປະມານ 6 ເດືອນຕົ້ນປີ 2024 ມີການເພີ່ມຂຶ້ນ, ເພື່ອຊອກໃຫ້ເຫັນຈຸດອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ວາງແຜນສືບຕໍ່ວຽກງານຈຸດສຸມ 6 ເດືອນທ້າຍປີ 2024  ໃນໄລຍະຜ່ານມາເຖິງແມ່ນວ່າ: ສະພາບການຂອງໂລກ ກໍ່ຄືຢູ່ພາຍໃນປະເທດ, ເວົ້າສະເພາະແມ່ນຢູ່ພາຍໃນແຂວງສາລະວັນ, ໄດ້ພົບຄວາມຫຍຸ້ງຍາກສັບສົນຫຼາຍດ້ານ, ເຊິ່ງເປັນບັນຫາທີ່ສົ່ງຜົນກະທົບຕໍ່ເສດຖະກິດ, ຊີວິດການເປັນຢູ່ຂອງປະຊາຊົນ, ລວມທັງການຈັດເກັບລາຍຮັບເຂົ້າງົບປະມານປະຈໍາປີ, ທີ່ບໍ່ສາມາດບັນລຸໄດ້ຕາມແຜນການທີ່ສະພາປະຊາຊົນແຂວງຮັບຮອງ, ເປັນເງື່ອນໄຂໃນການປັບປຸງແບບແຜນການນໍາພາ, ວິທີເຮັດວຽກຂອງພະນັກງານຫຼັກແຫຼ່ງ, ຜູ້ຖືຄັນທຸງ, ໃຫ້ຫັນເຂົ້າສູ່ຄຸນນະພາບ, ນອກນັ້ນ ຍັງທົບທວນການຈັດຕັ້ງປະຕິບັດມະຕິກອງປະຊຸມອົງການປົກຄອງ ຄັ້ງທີ 12 ຜ່ານມາ ແລະ ຮ່ວມກັນປຶກສາຫາລືບັນຫາສໍາຄັນຂອງແຂວງຈໍານວນໜຶ່ງ, ເຊິ່ງໃນ 6 ເດືອນຜ່ານມາ ຄະນະພັກ-ອົງການປົກຄອງແຂວງ ໄດ້ເອົາໃຈໃສ່ຊີ້ນໍາໆພາ ຕາມຄວາມຮັບຜິດຊອບຂອງຕົນ, ບັນດາພະແນການ-ອົງການທຽບເທົ່າອ້ອມຂ້າງແຂວງ ແລະ ບັນດາເມືອງ ກໍ່ໄດ້ເອົາໃຈໃສ່ປະຕິບັດໜ້າທີ່ການເມືອງ, ວຽກວິຊາສະເພາະຢ່າງມີຄວາມຮັບຜິດຊອບ ເຊິ່ງໄດ້ມີຜົນສໍາເລັດຫຼາຍດ້ານທີ່ບັນລຸຕາມແຜນການທີ່ວາງໄວ້ ເປັນຕົ້ນ: ວຽກງານ ປກຊ-ປກສ ທົ່ວແຂວງ ຍັງສືບຕໍ່ຮັກສາໄດ້ຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ, ການດຶງດູດຍາດແຍ່ງການລົງທຶນພາຍໃນ ແລະ ຕ່າງປະເທດ ເຫັນວ່າມີບັນຍາກາດດີ ໃນຂະແໜງອຸດສະຫະກຳປຸງແຕ່ງ, ດ້ານກະສິກຳ ແລະ ການບໍລິການການ; ການຊຸກຍູ້ການຈັດເກັບລາຍຮັບເຂົ້າງົບປະມານ ປະຕິບັດໄດ້ 136 ຕື້ກ່ວາກີບ ເທົ່າກັບ 65 ກວ່າ% ທຽບໃສ່ແຜນການປີໄດ້ລື່ນແຜນ, ຫຼາຍເມືອງ ສາມາດບັນລຸຕາມແຜນການທີ່ວາງໄວ້ ເປັນຕົ້ນເມືອງເລົ່າງາມ 80 ກວ່າ%, ເມືອງ ຕະໂອ້ຍ 76 ກວ່າ%, ເມືອງສາລະວັນ 68 ກວ່າ% ແລະ ເມືອງອື່ນໆ. ການຜະລິດເປັນສິນຄ້າ ການປູກ-ການລ້ຽງ ຂອງປະຊາຊົນບັນດາເຜົ່ານັບມື້ນັບຂະຫຍາຍຕົວ, ສ້າງເສດຖະກິດຄອບໄດ້ເປັນຢ່າງດີ ໂດຍສະເພາະ: ການປູກກາເຟເຂດເມືອງເລົ່າງາມ, ການປູກມັນຕົ້ນ ກວມເອົາຫຼາຍເມືອງຂອງແຂວງ ແລະ ການລ້ຽງສັດນ້ອຍ, ສັດໃຫຍ່ ເພື່ອເປັນສິນຄ້າ ທັງໝົດແມ່ນແນໃສ່ຜະລິດພາຍໃນ ເພື່ອຈຳກັດການນໍາເຂົ້າ, ການກະກຽມເຂົ້າສູ່ລະດູການຜະລິດເຂົ້ານາປີ ເປັນຂະບວນຟົດຟື້ນ; ບັນຍາການການທ່ອງທ່ຽວດີຂື້ນ, ເຫັນໄດ້ຈາກມີນັກທ່ອງທ່ຽວເພີ່ມຂື້ນ ເມື່ອທຽບໃສ່ໄລຍະດຽວຂອງປີຜ່ານມາ ເປັນຕົ້ນ: ກິດຈະກໍາເຮືອນພັກ-ໂຮງແຮມ, ຮ້ານອາຫານ ມີບັນຍາກາດຟົດຟື້ນ, ພິເສດແຂວງສາລະວັນໄດ້ມີການກະກຽມໃຫ້ເປີດດ່ານປາກຕາພານເປັນດ່ານສາກົນ ເຊິ່ງປະຈຸບັນ ໄດ້ປັບປຸງຟື້ນຖານໂຄງລ່າງບາງຈຸດ ເພື່ອກຽມເປີດພິທີຢ່າງເປັນທາງການໃນເດືອນ ສິງຫາ 2024.

         ນອກຈາກນັ້ນໃນກອງປະຊຸມຍັງໄດ້ລາຍງານ ແລະ ຄົ້ນຄວ້າປຶກສາຫາລືຫຼາຍວຽກທີ່ສໍາຄັນຂອງແຂວງຕື່ມອີກ ເປັນຕົ້ນ: ວາງທິດທາງແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 6 ເດືອນທ້າຍປີ, ຫາລືຄວາມຄືບໜ້າການກະກຽມຄວາມພ້ອມເປັນເຈົ້າພາບງານກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 7, ການແກ້ໄຂບັນຫາການຂາດແຄນຄູ ການປະລະການຮຽນຂອງນັກຮຽນໃນທົ່ວແຂວງ, , ຄວາມຄືບໜ້າແຜນຂະຫຍາຍດ່ານໂກໄຕ-ຮົງເວິນ ແລະ ຂົວຂ້າມນ້ຳຂອງແຫ່ງທີ 6 ການຈັດຕັ້ງປະຕິບັດຍຸດທະສາດການຫັນເປັນດີຈີຕອນ,  ການຈັດຕັ້ງປະຕິບັດວຽກງານຮັກສາຄວາມສະອາດໃນຕົວເມືອງເທດສະບານ, ເປັນຕົ້ນ: ບັນຫາຂີ້ເຫຍື່ອ-ສັດລ້ຽງ ຊອກໃຫ້ເຫັນຈຸດອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້,  ເພື່ອພ້ອມກັນແກ້ໄຂຢ່າງຮີບດ່ວນ ແລະ ທັນການ; ກອງປະຊຸມຈະໄດ້ດໍາເນີນເປັນເວລາ 2 ວັນ ຈິ່ງຈະສຳເລັດ ເລີ່ມແຕ່ວັນທີ 10-11 ກໍລະກົດ 2024.

Share:

ຂ່າວຫຼ້າສຸດ

ການເມືອງ

ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ເຄື່ອນໄຫວຊຸກຍູ້ການກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກ ຢູ່ທີ່ອົງຄະນະພັກຮາກຖານກອງບັນຊາການ ປກສ ແຂວງສາລະວັນ

  • 18 Jul 2024
  • ສ.ພະຈັນ

          ວັນທີ 17 ກໍລະກົດ 2024 ນີ້...

ອ່ານເພີ່ມ

ການເມືອງ

ສະມາຄົມມິດຕະພາບລາວ-ຫຽດນາມ ສາລະວັນ ສະຫຼຸບການເຄື່ອນໄຫວປະຈໍາປີ 2023 ແລະ 6 ເດືອນຕົ້ນປີ 2024

  • 18 Jul 2024
  • ສ.ພະຈັນ

         ໃນວັນທີ 16 ກໍລະກົດ 2024 ນີ້...

ອ່ານເພີ່ມ

ເສດຖະກິດ

ສາລະວັນ ຄັດເລືອກບໍລິສັດທີ່ປຶກສາ ແລະ ຮັບເໜົາກໍ່ສ້າງໂຄງການປ້ອງກັນຕະຝັ່ງເຈື່ອນແມ່ນໍ້າຂອງ 3 ບ້ານຂອງເມືອງລະຄອນເພັງ

  • 18 Jul 2024
  • ທິດລານີ ໂຄດໂຍທາ

 ...

ອ່ານເພີ່ມ

ການເມືອງ

ກອງປະຊຸມໃຫຍ່ຄັ້ງທີ VII ຂອງສະຫະພັນແມ່ຍິງຮາກຖານກະສິກຳ ແລະປ່າໄມ້ ໄດ້ເລືອກຄະນະຮາກຖານຊຸດໃໝ່

  • 18 Jul 2024
  • ທິດລານີ ໂຄດໂຍທາ

...

ອ່ານເພີ່ມ