ໜ້າຫຼັກ / ການເຄື່ອນໄຫວ / ໜ່ວຍຮາກຖານຊາວໜຸ່ມພະແນກອຸດສາຫະກຳ ແລະການຄ້າ ແຂວງ ສຳເລັດກອງປະຊຸມໃຫຍ່ ຄັ້ງທີ V

ໜ່ວຍຮາກຖານຊາວໜຸ່ມພະແນກອຸດສາຫະກຳ ແລະການຄ້າ ແຂວງ ສຳເລັດກອງປະຊຸມໃຫຍ່ ຄັ້ງທີ V

10 Jul 2024 | ທິດລານີ ໂຄດໂຍທາ |

ວັນທີ 10 ກໍລະກົດ 2024, ໜ່ວຍຮາກຖານຊາວໜຸ່ມພະແນກອຸດສາຫະກຳ ແລະການຄ້າສາລະວັນ ດຳເນີນກອງປະຊຸມໃຫຍ່ ຄັ້ງທີ V, ໂດຍການເປັນປະທານຂອງ ສະຫາຍ ສຸວັນ ສອນສຸລິຍະສັກ ເລຂາໜ່ວຍຮາກຖານຊາວໜຸ່ມພະແນກອຸດສາຫະກຳແລະການຄ້າແຂວງ,  ສະຫາຍ ນາງ ອ່ອນສາ ຄຳໄພວັນ ຮອງເລຂາຄະນະບໍລິຫານງານຊາວໜຸ່ມແຂວງ,ເຂົ້າຮ່ວມມີສະຫາຍ ນາງ ກຸແກ້ວ ທອງມະນີລາ ຮອງຫົວໜ້າພະແນກອຸດສາຫະກຳ ແລະການຄ້າແຂວງ, ໜ່ວຍນຮາກຖານຊາວໜຸ່ມອ້ອມຂ້າງ ພ້ອມດ້ວຍສະມາຊິກຊາວໜຸ່ມເຂົ້າຮ່ວມ.ສະຫາຍ ພຽງພະໄທ ຊິນນະຈັກ ຮອງເລຂາໜ່ວຍຮາກຖານ ໄດ້ຜ່ານບົດລາຍງານການຈັດຕັ້ງປະຕິບັດຂອງໜ່ວຍຮາກຖານໃນໄລຍະ 5 ປີຜ່ານມາ ຄະນະໜ່ວຍຮາກຖານ ແມ່ນໄດ້ເອົາໃຈໃສ່ຊີ້ນຳໆພາການຈັດຕັ້ງປະຕິບັດວຽກງານພາຍຂົງເຂດພະແນກອຸດສາຫະກຳແລະການຄ້າຢ່າງເປັນປົກກະຕິ, ມີທັງດ້ານດີ, ຂໍ້ຄົງຄ້າງ ແລະບົດຮຽນທີ່ຖອດຖອນໄດ້,  ໂດຍສະເພາະວຽກງານສຶກສາອົບຮົມການເມືອງ-ແນວຄິດ, ວຽກປັບປຸງການຈັດຕັ້ງແລະຂະຫຍາຍສະມາຊິກພັກ, ວຽກຂະບວນການ ແລະວຽກງານວິຊາສະເພາະ ກໍ່ໄດ້ມີຜົນສໍາເລັດ. ເປັນຕົ້ນ: ໄດ້ເອົາໃຈໃສ່ປັບປຸງແບບແຜນວິທີການເຮັດວຽກ, ແບ່ງຄວາມຮັບຜິດຊອບ, ເຄື່ອນໄຫວຈັດຕັ້ງປະຕິບັດຂໍ້ແຂ່ງຂັນ4ບຸກ, ເຂົ້າຮ່ວມຂະບວນການຕ່າງໆໃນວັນສຳຄັນຂອງພັກ, ຂອງຊາດ, ເຄື່ອນໄຫວປະກອບສ່ວນຢ່າງຕັ້ງໜ້າໃນການຊຸກຍູ້ຜູ້ປະກອບການຫົວໜ່ວຍທຸລະກິດຖືກຕ້ອງຕາມລະບຽບກົດໝາຍ, ມາຮອດປະຈຸບັນ ທົ່ວແຂວງມີໂຮງງານອຸດສາຫະກຳ ແລະຫັດຖະກຳ 523 ແຫ່ງ, ມູນຄ່າການລົງທຶນ 1.141,30ຕື້ກີບ, ຄຸ້ມຄອງ ແລະອອກອະນຸຍາດນຳເຂົ້າ ປະຕິບັດໄດ້ 439,51 ຕື້ກວ່າກີບ, ສິນຄ້າສົ່ງອອກ ປະຕິບັດໄດ້ 3.639,17 ຕື້ກວ່າກີບ, ໄດ້ອຳນວຍຄາມສະດວກໃຫ້ແກ່ການເຄື່ອນໄຫວດຳເນີນທຸລະກິດທາງດ້ານການຄ້າ ແລະການບໍລິການໃຫ້ມີຄວາມວ່ອງໄວ, ນອກນັ້ນວຽກງານສົ່ງເສີມວິສາຫະກິດ ແລະການຄ້າ, ວຽກງານຊັບສິນທາງປັນຍາ, ມາດຕະຖານແລະວັດແທກ, ວຽກງານງົບປະມານ, ນະໂຍບາຍ ແລະວຽກງານກວດກາກໍ່ໄດ້ມີຜົນສໍາເລັດຕາມລະດັບຄາດໝາຍທີ່ວາງໄວ້. ຈາກນັ້ນໃນກອງປະຊຸມກໍ່ໄດ້ມອບໃບຍ້ອງຍໍໃຫ້ສະມາຊິກຊາວໜຸ່ມຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານຊາວໜຸ່ມໃນໄລຍະ 5 ປີຜ່ານມາ ແລະມອບໃບຍ້ອງຍໍໃຫ້ກົມກອງດີເດັ່ນຕື່ມອີກ. ໃນກອງປະຊຸມຍັງໄດ້ຜ່ານມາດຖານເງື່ອນໄຂຜູ້ສະໝັກຊຸດໃໝ່ ແລະໄດ້ດຳເນີນການປ່ອນບັດຄັດເລືອກເອົາຄະນະໜ່ວຍຮາກຖານຊຸດໃໝ່, ຜ່ານການປ່ອນບັດຄັດເລືອກ ແລະກອງປະຊຸມຄັ້ງປະຖົມມະລຶກ ໄດ້ເຫັນດີເລືອກເອົາ ສະຫາຍ ວານິສາ ພົມມະວົງສີ ເປັນເລຂາໜ່ວຍຮາກຖານ, ສະຫາຍ ພຽງພະໄທ ຊິນນະຈັກ ເປັນຮອງເລຂາ ທັງເປັນປະທານກວດກາ ແລະ​ ສະຫາຍ ແກ້ວອຳພອນ ແກ້ວພິລາ ເປັນຮອງເລຂາ.

Share:

ຂ່າວຫຼ້າສຸດ

ການເມືອງ

ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ເຄື່ອນໄຫວຊຸກຍູ້ການກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກ ຢູ່ທີ່ອົງຄະນະພັກຮາກຖານກອງບັນຊາການ ປກສ ແຂວງສາລະວັນ

  • 18 Jul 2024
  • ສ.ພະຈັນ

          ວັນທີ 17 ກໍລະກົດ 2024 ນີ້...

ອ່ານເພີ່ມ

ການເມືອງ

ສະມາຄົມມິດຕະພາບລາວ-ຫຽດນາມ ສາລະວັນ ສະຫຼຸບການເຄື່ອນໄຫວປະຈໍາປີ 2023 ແລະ 6 ເດືອນຕົ້ນປີ 2024

  • 18 Jul 2024
  • ສ.ພະຈັນ

         ໃນວັນທີ 16 ກໍລະກົດ 2024 ນີ້...

ອ່ານເພີ່ມ

ເສດຖະກິດ

ສາລະວັນ ຄັດເລືອກບໍລິສັດທີ່ປຶກສາ ແລະ ຮັບເໜົາກໍ່ສ້າງໂຄງການປ້ອງກັນຕະຝັ່ງເຈື່ອນແມ່ນໍ້າຂອງ 3 ບ້ານຂອງເມືອງລະຄອນເພັງ

  • 18 Jul 2024
  • ທິດລານີ ໂຄດໂຍທາ

 ...

ອ່ານເພີ່ມ

ການເມືອງ

ກອງປະຊຸມໃຫຍ່ຄັ້ງທີ VII ຂອງສະຫະພັນແມ່ຍິງຮາກຖານກະສິກຳ ແລະປ່າໄມ້ ໄດ້ເລືອກຄະນະຮາກຖານຊຸດໃໝ່

  • 18 Jul 2024
  • ທິດລານີ ໂຄດໂຍທາ

...

ອ່ານເພີ່ມ