ໜ້າຫຼັກ / ການເຄື່ອນໄຫວ / ເມືອງວາປີຈັດກອງປະຊຸມສະຫຼູບວຽກງານກໍ່ສ້າງຮາກຖານ-ການເມືອງ 6 ເດືອນຕົ້ນປີ 2024 ແລະ ວາງທິດທາງແຜນການ 6 ເດືອນທ້າຍປີ.

ເມືອງວາປີຈັດກອງປະຊຸມສະຫຼູບວຽກງານກໍ່ສ້າງຮາກຖານ-ການເມືອງ 6 ເດືອນຕົ້ນປີ 2024 ແລະ ວາງທິດທາງແຜນການ 6 ເດືອນທ້າຍປີ.

10 Jul 2024 | ສື່ມວນຊົນເມືອງວາປີ |

           ກອງປະຊຸມສະຫຼູບວຽກງານກໍ່ສ້າງຮາກຖານ-ການເມືອງ ໃນໄລຍະ 6 ເດືອນຕົ້ນປີ 2024 ແລະ ວາງທິດທາງແຜນການ 6 ເດືອນທ້າຍປີ ຢູ່ເມືອງວາປີ ໄດ້ຈັດຂື້ນໃນອາທິດຜ່ານມານີ້( 4 ກໍລະກົດ 2024) ຢູ່ທີ່ສະໂມສອນເມືອງ ວາປີ ໂດຍພາຍໃຕ້ການເປັນປະທານຂອງທ່ານ ບຸນຍູ້ ຈັນທະລັງສີ ເຈົ້າເມືອງໆວາປີ,ເຂົ້າຮ່ວມມີບັນດາທ່ານໃນຄະນະປະຈຳພັກເມືອງ,ກຳມະການພັກເມືອງ,ຄະນະກອງກໍ່ສ້າງຮາກຖານການເມືອງຂັ້ນແຂວງປະຈຳເມືອງ.ບັນດາຫົວໜ້າຫ້ອງການ-ຮອງຫົວໜ້າຫ້ອງການອ້ອມຂ້າງເມືອງ ພ້ອມດ້ວຍພະນັກງານທີ່ລົງກໍ່ສ້າງຮາກຖານ-ການ ເມືອງໃນທົ່ວເມືອງວາປີເຂົ້າຮ່ວມ.

           ທ່ານ ບຸນຍູ້ ຈັນທະລັງສີ ເຈົ້າເມືອງໆວາປີໄດ້ກ່າວວ່າ ຈຸດປະສົງຂອງກອງປະຊຸມຄັ້ງນີ້ແມ່ນເພື່ອສະຫຼູບຕີລາຄາຄືນການຈັດຕັ້ງປະຕິບັດວຽກງານກໍ່ສ້າງຮາກຖານ-ການເມືອງໃນໄລຍະ 6 ເດືອນປີ 2024ທີ່ຜ່ານມາ ເພື່ອຊຸກ ຍູ້ສົ່ງເສີມຜົນສຳເລັດຂອງແຕ່ລະໜ້າວຽກ ແລະ ເພື່ອປັບປຸງແກ້ໄຂບັນຫາທີ່ຄົງຄ້າງ,ພ້ອມທັງຊອກຫາສາ ເຫດທີ່ພາ ໃຫ້ເກີດບັນດາປະກົດການຫຍໍ້ຕ່າງໆໃນສັງຄົມ.ທ່ານຍັງກ່າວຕື່ມອີກວ່າ ເພື່ອແກ້ໄຂບັນຫາທີ່ຄົງຄ້າງຕ່າງໆນັ້ນ ໃນກອງປະຊຸມບັນດາທ່ານຕ້ອງຮ່ວມກັນປະກອບຄຳຄິດຄຳເຫັນຊອກຫາວິທີທາງແກ້ໄຂໃຫ້ຖືກຕ້ອງ ແລະ ເປັນເອກະພາບກັນໃນທົ່ວເມືອງ ໂດຍໃຫ້ຖືເອົາ ວາລະແຫ່ງຊາດ ໃນການແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າໃນທົ່ວເມືອງເປັນສຳຄັນຕໍ່ການແກ້ໄຂບັນຫາຕ່າງໆຂອງເມືອງ.ພາຍຫຼັງການມີຄຳເຫັນແລ້ວບັນດາທ່ານທີ່ເຂົ້າຮ່ວມກໍ່ໄດ້ຮັບຟັງການຜ່ານບົດສະຫຼູບວຽກງານກໍ່ສ້າງຮາກຖານ-ການເມືອງ ປະຈຳ 6 ເດືອນປີ 2024 ແລະ ທິດທາງແຜນການ 6 ເດືອນທ້າຍປີຈາກທ່ານ ເພັດສຳລີ ເຂັມວິໄລ ຫົວໜ້າຫ້ອງວ່າການເມືອງ.ເຊິ່ງໄລຍະຜ່ານມາຄະນະພັກ-ອົງການປົກ ຄອງເມືອງວາປີໄດ້ສຸມໃສ່ການແກ້ໄຂຊີວິດການເປັນຢູ່ຂອງປະຊາຊົນພາຍໃນເມືອງໂດຍການຫັນເອົາພະນັກງານລົງກໍ່ ສ້າງຮາກຖານ-ການເມືອງຢູ່ບັນດາຮາກຖານບ້ານເປົ້າໝາຍໄດ້ທັງໝົດ 72 ທ່ານ,ຍິງ 11 ທ່ານ.ໃນນັ້ນຈາກຂົງເຂດການເມືອງ 22 ທ່ານ,ຂົງເຂດເສດຖະກິດ 19 ທ່ານ,ຂົງເຂດວັດທະນະທຳສັງຄົມ 16 ທ່ານ,ຂົງເຂດປ້ອງກັນຊາດ-ປ້ອງກັນຄວາມສະຫງົບ ແລະປົກປ້ອງກົດໝາຍມີ 15 ທ່ານ ແລະຄະນະກອງກໍ່ສ້າງຮາກຖານຂັ້ນແຂວງລົງຊ່ວຍເມືອງ 5 ທ່ານ,ຍິງ 1 ທ່ານ. ທັງນີ້ກໍ່ເພື່ອເຮັດໃຫ້ການຈັດຕັ້ງຮາກຖານບ້ານໄດ້ຮັບການປັບປຸງແກ້ໄຂທາງດ້ານການເມືອງ-ແນວຄິດ,ການ ຈັດຕັ້ງມີຄວາມເຂັ້ມແຂງໜັກແໜ້ນ,ມີແບບແຜນການນຳພາ ແລະ ແບບແຜນວິທີເຮັດວຽກທີ່ດີເຮັດໃຫ້ຊີວິດການເປັນຢູ່ຂອງປະຊາຊົນເມືອງວາປີນັບມື້ນັບດີຂື້ນເລື້ອຍໆ ເປັນຕົ້ນ ການພັດທະນາພື້ນຖານໂຄງລ່າງ,ການກໍ່ສ້າງ ແລະ ສ້ອມແປງເສັ້ນທາງ,ໂຮງຮຽນ,ໂຮງໝໍນ້ອຍ,ລະບົບນ້ຳປະປາ ແລະ ຄອງຊົນລະປະທານຕ່າງໆເຮັດໃຫ້ທົ່ວເມືອງວາປີມີຄອບຄົວພັດທະນາ 4ພັນ5ຮ້ອຍກວ່າຄອບຄົວ ກວມເອົາ 62ກວ່າສ່ວນຮ້ອຍ,ມີຄອບຄົວພົ້ນທຸກ 7ພັນກວ່າຄອບຄົວ ແລະມາຮອດປະຈຸບັນຍັງມີຄອບຄົວທຸກຍາກ 3ຮ້ອຍກວ່າຄອບຄົວ ທີ່ອົງການປົກຄອງເມືອງ ແລະບັນ ດາພະນັກງານທີ່ລົງກໍ່ສ້າງຮາກຖານ-ການເມືອງຈະຕ້ອງໄດ້ສຸມໃສ່ໃນການແກ້ໄຂຊີວິດການເປັນຢູ່ຂອງຈຳນວນຄອບ ຄົວດັ່ງກ່າວໃຫ້ຫຼຸດພົ້ນອອກຈາກຄວາມທຸກຍາກໃນຕໍ່ໜ້າ.

ຈາກນັ້ນບັນດາທ່ານທີ່ເຂົ້າຮ່ວມກອງປະຊຸມກໍ່ໄດ້ປະກອບຄຳຄິດຄຳເຫັນແລກປ່ຽນເພື່ອເຮັດໃຫ້ວຽກງານກໍ່ສ້າງຮາກຖານ-ການເມືອງໄດ້ຮັບການປັບປຸງແກ້ໄຂໃຫ້ມີຄວາມເຂັ້ມແຂງຮອບດ້ານ.ຕອນທ້າຍກອງປະຊຸມຍັງໄດ້ຮັບຟັງການມີຄຳເຫັນໂອ້ລົມຈາກທ່ານເຈົ້າເມືອງໆວາປີຕື່ມອີກ.

 

Share:

ຂ່າວຫຼ້າສຸດ

ການເມືອງ

ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ເຄື່ອນໄຫວຊຸກຍູ້ການກະກຽມດຳເນີນກອງປະຊຸມໃຫ່ຍ 3 ຂັ້ນຂອງພັກ ຢູ່ທີ່ອົງຄະນະພັກຮາກຖານກອງບັນຊາການ ປກສ ແຂວງສາລະວັນ

  • 18 Jul 2024
  • ສ.ພະຈັນ

          ວັນທີ 17 ກໍລະກົດ 2024 ນີ້...

ອ່ານເພີ່ມ

ການເມືອງ

ສະມາຄົມມິດຕະພາບລາວ-ຫຽດນາມ ສາລະວັນ ສະຫຼຸບການເຄື່ອນໄຫວປະຈໍາປີ 2023 ແລະ 6 ເດືອນຕົ້ນປີ 2024

  • 18 Jul 2024
  • ສ.ພະຈັນ

         ໃນວັນທີ 16 ກໍລະກົດ 2024 ນີ້...

ອ່ານເພີ່ມ

ເສດຖະກິດ

ສາລະວັນ ຄັດເລືອກບໍລິສັດທີ່ປຶກສາ ແລະ ຮັບເໜົາກໍ່ສ້າງໂຄງການປ້ອງກັນຕະຝັ່ງເຈື່ອນແມ່ນໍ້າຂອງ 3 ບ້ານຂອງເມືອງລະຄອນເພັງ

  • 18 Jul 2024
  • ທິດລານີ ໂຄດໂຍທາ

 ...

ອ່ານເພີ່ມ

ການເມືອງ

ກອງປະຊຸມໃຫຍ່ຄັ້ງທີ VII ຂອງສະຫະພັນແມ່ຍິງຮາກຖານກະສິກຳ ແລະປ່າໄມ້ ໄດ້ເລືອກຄະນະຮາກຖານຊຸດໃໝ່

  • 18 Jul 2024
  • ທິດລານີ ໂຄດໂຍທາ

...

ອ່ານເພີ່ມ