ໜ້າຫຼັກ / ການເຄື່ອນໄຫວ / ສະໝ້ວຍ ສະເຫຼີມສະຫຼອງວັນອາທິດສາກົນການລ້ຽງລູກດ້ວຍນ້ຳນົມແມ່ ແລະ ວັນໂພຊະນາການແຫ່ງຊາດ
ໃນວັນທີ 6 ສິງຫາ 2024 ຫ້ອງການສາທາລະນະສຸກ ເມືອງສະໝ້ວຍ ຮ່ວມກັບ ອົງການສຸພານິມິດປະ ຈຳເມືອງ ໄດ້ສະຫຼອງວັນອາທິດສາກົນການລ້ຽງລູກດ້ວຍນ້ຳນົມແມ່ ແລະ ວັນໂພຊະນາການແຫ່ງຊາດ ຢູ່ທີ່ສະໂມ ສອນຂອງເມືອງ ເປັນກຽດເຂົ້າຮ່ວມ ຂອງ ທ່ານ ຄຳຈຸງ ດ່ວນທະຈີນ ຮອງເຈົ້າເມືອງໆສະໝ້ວຍ ຜູ້ຊີ້ນຳຂົງເຂດວັດ ທະນະທຳ-ສັງຄົມ ຫົວໜ້າຄະນະກຳມະການດ້ານໂພຊະນາການ ຂັ້ນເມືອງ, ທ່ານ ດຣ ບຸນຫຼວຍ ສ່ວຍມະນີວົງ ຫົວໜ້າຫ້ອງການສາທາລະນະສຸກເມືອງ, ຕ່າງໜ້າຈາກພະແນກສາທາລະນະສຸກ ເເຂວງສາລະວັນ, ຕ່າງໜ້າຈາກອົງການສຸພານິມິດປະຈຳເມືອງ, ມີຫົວໜ້າ-ຮອງຫົວໜ້າທີ່ກ່ຽວຂ້ອງອ້ອມຂ້າງເມືອງ, ພະນັກງານແພດ-ໝໍ ຕະຫຼອດຮອດແມ່ຂອງເດັກແລະເດັກນ້ອຍ ເຂົ້າຮ່ວມ.
ທ່ານ ດຣ ບຸນຫຼວຍ ສ່ວຍມະນີວົງ ໄດ້ກ່າວໄຂພິທີ ແລະ ໄດ້ຍົກໃຫ້ເຫັນຄວາມໝາຍ ແລະ ຄວາມສຳຄັນ ຂອງວັນອາທິດສາກົນການລ້ຽງລູກດ້ວຍນ້ຳນົມແມ່ ວ່າ: ແມ່ແມ່ນປະສົບການອັນໜຶ່ງທີ່ໜັກໜ່ວງທີ່ສຸດທີ່ແມ່ສາ ມາດເຮັດໄດ້ ມັນເປັນສິ່ງທີ່ຈຳເປັນຫຼາຍສຳລັບເດັກນ້ອຍເຊັ່ນດຽວກັນຄືກັບແມ່, ນົມແມ່ແມ່ນມີສານອາຫານດີທີ່ສຸດ ແລະ ຈຳເປັນສຳລັບເດັກແຕ່ມື້ເກີດຈົນຮອດອາຍຸ 6 ເດືອນ, ນົມແມ່ສາມາດປົກປ້ອງເດັກຈາກການຕິດເຊື້ອ ແລະ ພະຍາດຕ່າງໆ ແລະ ຍັງເສີມສ້າງລະບົບພູມຕ້ານທານຂອງພວກເຂົາ; ນົມແມ່ເຕັມໄປດ້ວຍສານອາຫານທັງໝົດ ນໍ້າ,ໄຂມັນ, ຄາໂບໄຮເດດ, ທາດໂປຣຕິນວິຕາມິນ ແລະ ແຮ່ທາດ, ອາຊິດອາມີໂນ, ຈຸລັງຂາວ ບໍ່ພຽງແຕ່ມີປະໂຫຍດຕໍ່ເດັກເທົ່ານັ້ນ ແຕ່ການໃຫ້ນົມລູກຍັງຊ່ວຍຫຼຸດຜ່ອນຄວາມສ່ຽງຂອງມະເຮັງໃນແມ່ຍິງ, ທັງນີ້ ກໍ່ເພື່ອເປັນການຫຼຸດ ຜ່ອນການເຈັບເປັນ ແລະ ການຕາຍຂອງເດັກ ທີ່ພົວພັນການລ້ຽງລູກດ້ວຍນົມແມ່ ແລະ ເພື່ອສົ່ງເສີມໃຫ້ຄວາມສຳຄັນໃຫ້ບູລິມະສິດ ແກ່ວຽກງານການສົ່ງເສີ່ມການລ້ຽງລູກດ້ວຍນ້ຳນົມແມ່ໃຫ້ເປັນຮູບປະທຳຢ່າງແທ້ຈິ່ງ ແລະ ເພື່ອຍົກສູງຄຸນນະພາບຊີວິດຂອງແມ່ຍິງ ແລະ ເດັກນ້ອຍໃນ ສປປ ລາວ ໃຫ້ດີຂຶ້ນເທື່ອລະກ້າວ.
ຈາກນັ້ນ ຍັງໄດ້ຍົກໃຫ້ເຫັນຄວາມໝາຍ ແລ ຄວາມສໍາຄັນ ຂອງວັນວັນໂພຊະນາການແຫ່ງຊາດ ຕື່ມອີກ ໃນໂອກາດນີ້ ໄດ້ມີກິດຈະກຳຖາມ-ຕອບກ່ຽວກັບໂພຊະນາການ ແລະ ຂອງຂັວນຈຳນວນໜຶ່ງໃຫ້ແມ່ລູກອ່ອນ.
