ໜ້າຫຼັກ / ການເຄື່ອນໄຫວ / ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ເຄື່ອນໄຫວຊຸກຍູ້ການກະກຽມດຳເດີນກອງປະຊຸມໃຫ່ຍ 3 ຂັ້ນຂອງພັກ ທີ່ຄະນະພັກກອງບັນຊາການທະຫານ ແຂວງສາລະວັນ
ວັນທີ 7 ສິງຫານີ້ ອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ກະກຽມດໍາເນີນກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງສາລະວັນ ໄດ້ເຄື່ອນໄຫວຊຸກຍູ້ການກະກຽມດໍາເດີນກອງປະຊຸມໃຫ່ຍ 3 ຂັ້ນຂອງພັກ ຢູ່ທີ່ກອງບັນຊາການທະຫານ ແຂວງສາລະວັນ, ໂດຍພາຍໃຕ້ການເປັນປະທານຂອງ ສະຫາຍ ຈັນສະໜອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາ-ອົບຣົມແຂວງສາລະວັນ, ຮອງຫົວໜ້າອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍ ກະກຽມດໍາເນີນກອງປະຊຸມໃຫ່ຍ ຄັ້ງທີ x ຂອງອົງຄະນະພັກແຂວງສາລະວັນ, ມີສະຫາຍ ສຳລີ ແກ້ວວົງສອງ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງສາລະວັນ ແລະ ມີບັນດາສະຫາຍໃນອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍຂັ້ນແຂວງ, ບັນດາສະຫາຍໃນຄະນະພັກ-ຄະນະບັນຊາ, ຄະນະພັກ ອົງການ 5 ຫ້ອງການ, ຄະນະພັກບັນດາກົມກອງ ພ້ອມດ້ວຍ ບັນດາສະຫາຍໃນກຳລັງປະກອບອາວຸດ, ນາຍ ແລະພົນທະຫານເຂົ້າຮ່ວມ.
ສະຫາຍ ສຳລີ ແກ້ວວົງສອງ ໄດ້ລາຍງານໃຫ້ຮູ້ວ່າ: ໃນໄລຍະຜ່ານມາຄະນະພັກ, ຄະນະນໍາຂອງແຕ່ລະ ກົມກອງ ນາຍ ແລະພົນທະຫານພາຍໃນຄວາມຮັບຜິດຊອບຂອງຕົນສ້າງຂະບວນການຕ່າງໆເພື່ອກະກຽມດໍາເນີນກອງປະຊຸມໃຫ່ຍຂັ້ນຂອງຕົນ ເປັນຕົ້ນ: ເອົາໃຈໃສ່ໃນການສຶກສາອົບຮົມການເມືອງ-ແນວຄິດ ຕໍ່ສະມາຊິກພັກ,ພະນັກງານ-ນັກຮົບທີ່ຂຶ້ນກັບ ຮັບຮູ້ເຂົ້າໃຈຢ່າງເລິກເຊິ່ງຕໍ່ແນວທາງນະໂຍບາຍຂອງພັກ-ລັດ, ຕິດພັນກັບຂະບວນການ ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ເພື່ອສ້າງການຫັນປ່ຽນຢ່າງແຂງແຮງ-ເລິກເຊິ່ງ ໃຫ້ເຂົ້າສູ່ຄຸນະພາບອັນໃໝ່ ພ້ອມກັນຜ່ານຜ່າຂໍ້ຫຍຸ້ງຍາກຕ່າງໆ; ໄດ້ຈັດຕັ້ງເຜີຍແຜ່ຄຳສັ່ງຂອງຄະນະປະຈຳພັກແຂວງ ຄື: ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ສະບັບເລກທີ 03/ຄຈພຂ, ສວ, ລົງວັນທີ 17 ຕຸລາ 2023 ມະຕິຕົກລົງ ສະບັບເລກທີ 768/ຄພຂ, ລົງວັນທີ 26 ກຸມພາ 2024, ສືບຕໍ່ຫັນລົງກໍ່ສ້າງຮາກຖານການເມືອງ ນຳເອົາແນວທາງປກຊ-ປກສ ລົງສູ່ປະຊາຊົນ ໂດຍສະເພາະ ການສ້າງບ້ານພ້ອມໝັ້ນ-ກຸ່ມບ້ານສູ້ຮົບຕິດລຽນ, ສ້າງບ້ານຮຽກສຽວ, ສ້າງບ້ານ ແລະ ຄອບຄົວປ້ອງກັນຊາດ ແລະອື່ນໆ .
ໃນກອງປະຊຸມຍັງໄດ້ປະກອບຄໍາເຫັນຫຼາຍດ້ານ ໂດຍສະເພາະ ການສ້າງຂະບວນການດ້ານຕ່າງໆເປັນຕົ້ນ ການຕິດປ້າຍຄຳຂັວນ, ເນື້ອໃນ ແລະ ສີຂອງປ້າຍຕ້ອງໃຫ້ຖືກຕ້ອງຕາມກົດໝາຍວ່າດ້ວຍປ້າຍ, ດ້ານການຄັດເລືອກບຸກຄົນເພື່ອສະເໜີຮັບການຍ້ອງຍໍ ແລະອື່ນໆ.
