ໜ້າຫຼັກ / ການເຄື່ອນໄຫວ / ສະຫະພັນແມ່ຍິງຮາກຖານພະແນກ ຖວທ ສາລະວັນ ສໍາເລັດກອງປະຊຸມໃຫ່ຍ ຄັ້ງທີ IX
ກອງປະຊຸມໃຫ່ຍສະຫະພັນແມ່ຍິງຮາກຖານພະແນກຖະແຫຼງຂ່າວ-ວັດທະນະທຳ ແລະ ທ່ອງທ່ຽວແຂວງ ຄັ້ງທີ IX ໄດ້ຈັດຂື້ນໃນວັນທີ 9 ສິງຫາ 2024 ຢູ່ທີ່ຫ້ອງປະຊຸມພະແນກ ຖວທ ແຂວງ ໂດຍພາຍໃຕ້ການເປັນປະທານຂອງ ສະຫາຍ ນາງ ສຸກິດຕາ ບຸນທິສານ ປະທານສະຫະພັນແມ່ຍິງຮາກຖານພະແນກ ຖວທ ແຂວງ; ໃຫ້ກຽດເຂົ້າຮ່ວມຂອງສະຫາຍ ນາງ ດວງມາລາ ສີສະໜຸດ ຮອງປະທານສະຫະພັນແມ່ຍິງແຂວງ; ສະຫາຍ ຄໍາໄຫວ ໂພສີ ຄະນະພັກຮາກຖານພະແນກ, ຮອງຫົວໜ້າພະແນກ ຖວທ ແຂວງ; ມີຕ່າງໜ້າຈາກຄະນະສະຫະພັນກໍາມະບານ; ອົງການຈັດຕັ້ງຊາວໜຸ່ມ; ສະມາຊິກເອື້້ອຍນ້ອງແມ່ຍິງພາຍໃນຮາກຖານ ແລະ ແຂກຖືກເຊີນເຂົ້າຮ່ວມ.
ກອງປະຊຸມຄັ້ງນີ້ ໄດ້ຜ່ານຮ່າງບົດລາຍງານການເມືອງ ຂອງສະຫະພັນແມ່ຍິງຮາກຖານພະແນກຖະແຫຼງຂ່າວ-ວັດທະນະທຳ ແລະ ທ່ອງທ່ຽວແຂວງ ຜົນສໍາເລັດຂອງການຈັດຕັ້ງປະຕິບັດມະຕິກອງປະຊຸມໄຫຍ່ ຄັ້ງທີ VIII ໄລຍະ 5 ປີ ແຕ່ປີ 2020-2024, ສະຫະພັນແມ່ຍິງຮາກຖານພະແນກ ຖວທ ແຂວງ ສາຍຕັ້ງ ຂື້ນກັບສະຫະພັນແມ່ຍິງແຂວງ, ສາຍຂວາງຂື້ນກັບຄະນະພັກຮາກຖານພະແນກ ຖວທ ແຂວງປະກອບມີ ປະທານ 1 ສະຫາຍ, ຮອງປະທານ 2 ສະຫາຍ; ມີຈຳນວນສະມາຊິກທັງໝົດ 26 ສະຫາຍ, ມີສະມາຊິກພັກ 20ສະຫາຍ, ລະດັບວິຊາສະເພາະຈົບປະລີນຍາຕີ 12 ສະຫາຍ, ຊັ້ນສູງ 12 ສະຫາຍ, ຊັ້ນກາງ 2 ສະຫາຍ, ຈົບລະດັບທິດສະດີ: ຂັ້ນສູງ 1ສະຫາຍ, ຊັ້ນກາງ 2 ສະຫາຍ, ຂັ້ນຕົ້ນ 2 ສະຫາຍ, ເປັນສະມາຊິກຊາວໜຸ່ມ 22 ສະຫາຍ, ເປັນສະມາຊິກກຳມະບານ 26 ສະຫາຍ, ໄດ້ເຂົ້າຮ່ວມເຊື່ອມຊືມມະຕິ ແລະ ເອກະສານສໍາຄັນຕ່າງໆຂອງພັກ-ລັດ ທີ່ຄະນະພັກ-ອົງການປົກຄອງຂັ້ນແຂວງຈັດຂື້ນຈໍານວນ 76 ຄັ້ງ, ມີຜູ້ເຂົ້າຮ່ວມທັງໝົດ 460 ຄົນ ໃນນັ້ນ ສະມາຊິກແມ່ຍິງ ໄດ້ເຂົ້າຮວມ 245 ເທື່ອຄົນ ແລະ ເຂົ້າເຊື່ອມຊືມເອກະສານທີ່ ພະແນກຈັດຂື້ນລວມ 61 ຄັ້ງ, ມີຜູ້ເຂົ້າຮ່ວມທັງໝົດ 2,631 ເທື່ອຄົນ, ຍີງ 1,431 ເທື່ອຄົນ; ຊຸກຍູ້ໃຫ້ສະມາຊິກແມ່ຍິງ ເຂົ້າເປັນສະມາຊິກພັກໄດ້ທັງໝົດ 13 ສະຫາຍ ໃນນັ້ນຍັງສຳຮອງ 2 ສະຫາຍ; ໄດ້ໄປຝຶກອົບຮົມວຽກງານວິຊາການ ໄລຍະ 1-2 ອາທິດ ໄດ້ທັງໝົດ 42 ຄັ້ງ 72 ເທື່ອຄົນ; ສະມາຊິກໄດ້ຮັບການຍ້ອງຍໍຈາກອົງການຈັດຕັ້ງກໍາມະບານໃນຜົນງານດີເດັ່ນຂະບວນການຂໍ້ແຂ່ງຂັນ 5 ເປັນເຈົ້າໄດ້ 26 ສະຫາຍ ປະເພດດີ 24 ສະຫາຍ, ປະເພດກາງ 2 ສະຫະຫາຍ , ຂະບວນການຊາວໜຸ່ມ 4 ບຸກ ໄດ້ດີເດັ່ນ 20 ສະຫາຍ, ໄດ້ປະເພດກາງ 3 ສະຫາຍ; ຍ້ອງຍໍຂະບວນການແຂ່ງຂັນ 3 ດີ ,ໃນນັ້ນໄດ້ 3 ດີ ປະເພດ 1 ມີ 24 ສະຫາຍ, 3 ດີ ປະເພດ 2 ມີ 2 ສະຫາຍ. ຈາກນັ້ນຜົນງານ 5 ປີ (2016-2019) ຂະບວນການຮັກຊາດ ແລະ ພັດທະນາ ສະມາຊິກແມ່ຍີງໄດ້ຮັບການຍ້ອງຍໍເຊັ່ນ: ໄດ້ຮັບການຍ້ອງຍໍຫຼຽນກາແຮງງານ 8 ສະຫາຍ, ໄດ້ຮັບໃບຍ້ອງຍໍລັດຖະບານ 15 ສະຫາຍ ແລະ ໄດ້ຮັບຍ້ອງຍໍທ່ານເຈົ້າແຂວງ 1 ສະຫາຍ; ໃນຜ່ານມາສະຫະພັນແມ່ ຍິງຮາກຖານ ໄດ້ຮັບນາມມະຍົດເປັນຮາກຖານ 3 ດີປະຕິບັດຂໍ້ແຂ່ງຂັນ 3 ດີ ໄດ້ຢາງຕໍ່ເນື່ອງ.
ກອງປະຊຸມຄັ້ງປະຖົມມະລຶກ ໄດ້ເປັນເອກະສັນເລືອກເອົາ ສະຫາຍ ນາງ ສຸກິດຕາ ບຸນທິສານ ເປັນປະທານ, ສະຫາຍ ນາງ ນິດດາ ແກ້ວມະນີສິນ ເປັນຮອງປະທານ ທັງເປັນປະທານກວດກາ ແລະ ສະ ຫາຍ ນາງ ສີອໍາພອນ ໂງ່ນກະເສີມສຸກ ເປັນຮອງປະທານ ທັງເປັນຮອງປະທານກວດກາ.
